Arbitri i njohur spanjoll, Mateu Lahoz, ka rezultuar pozitiv me ‘COVID’. Lajmi është publikuar në mediat iberike të cilat shkruajnë se për fatin e mirë 43-vjeçari nuk ka shfaqur simptoma, por po qëndron në izolim, ku i duhet të qëndrojë larg detyrës derisa të rikuperohet.
Lahoz konsiderohet arbitri më i mirë i Spanjës, por edhe një nga më të mirët në botë. Ai ka debutuar në La Liga në vitin 2008, ndërsa në vitin 2011 ka marrë dhe stemën e FIFA-s. Gjithashtu, ai ka arbitruar në të gjitha nivelet ndërkombëtare të futbollit.