Cristiano Ronaldo vazhdon me rekordet në futboll. Ylli i Juventusit ka shënuar dje ndaj Sasuolos në Serinë A golin numër 759 në karrierën e tij duke barazuar me legjendën, Josef Bican. Ish sulmuesi i Salvia Pragës, Josef Bican, mbante rekordin zyrtar me më shumë gola në historinë e futbollit, gjithsej 759 gola, por ky rekord është barazuar tashmë edhe nga Cristiano Ronaldo ditën e djeshme dhe në fakt mund të tejkalohet shumë shpejt.
Tani, Ronaldo ka 759 gola në 1037 prezenca për klubin dhe kombëtaren portugeze. Në fakt, ai mund të bëhet golashënuesi më i mirë në histori, duke llogaritur golat zyrtarë, pasi skuadra e Santos që pretendon se legjenda braziliane, Pele, ka më shumë, nuk mund ta provojë tërësisht këtë fakt.
Lista e golashënuesve më të mirë në historinë e futbollit, me shifra zyrtare:
1 – Cristiano Ronaldo – 759 gola
1 – Josef Bican – 759 gola.
3. Pele – 757 gola
4. Lionel Messi – 746 gola
5. Romario – 734 gola
