Presidenti i zgjedhur në Amerikë, Joe Biden nuk kishte veshur çizmet e tij mjekësore të enjten pasi kishte thyer këmbën e djathtë ndërsa luante me qenin e tij.Presidenti i zgjedhur kishte veshur këpucë të papërshtatshme kur mbërriti në teatrin The Queen në Wilmington, Delaware, për të regjistruar një intervistë me CNN.
Biden, 78 vjeç, kishte veshur një këpucë kamoshi në këmbën e tij të dëmtuar dhe një këpucë sportive që kushton më pak se 90 dollearë në këmbën e tij të shëndetshme.Ai pësoi fraktura të vogla në këmbën e tij të djathtë gjatë fundjavës ndërsa luante me qenin e tij German Shepard. Mjeku i tij tha se do të duhej të vishte një çizme mjekësore për 'disa javë'.Biden të enjten i tha Jake Tapper të CNN se ai mori lëndimin ndërsa ndiqte qenin e tij pasi doli nga dushi.
"Këlyshi i vogël e lëshoi topin para meje që unë të kapja topin ... dhe unë e kapa topin kështu, dhe ai vrapoi," shpjegoi Biden.
Ai i tha CNN se çizmja do të kthehej.
"Unë e mbaj çizmën shumicën e kohës, por është thjesht një gjë e ngathët, kështu që ata më dhanë këtë gjë të vogël për të punuar", tha ai duke iu referuar këpucës së tij sportive.
Kujtojmë se më 20 janar, Joe Biden do të bëjë betimin e detyrës pas fitores në zgjedhje. Ai ka përshpejtuar zgjedhjen e ministrave të tij. Nga ana tjetër, Donald Trump po ecën ngadalë drejt heqjes dorë.
Burimi:Dailymail.co.uk Përktheu:JOQ ALBANIA
