Udhëtimet e zyrtarëve të Rilindjes, me avionë privatë apo edhe si “pasagjerë” të thjeshtë nuk kanë të mbaruar. Ata janë bërë mëse të njohur në sistemin TIMS. Ai, i cili duket që i preferon më së tepërmi këto flutrime jashtë vendit, bashkë me shumë rilindas të tjerë, është Lali Leku, personi që po e kthen Tiranën në një kantier ndërtimi.
Pa e çarë kokën fare dhe pa dhënë asnjë shpjegim, pavarësisht se ka një funksion publik, Veliaj ka kryer një sërë udhëtimesh të shpeshta, edhe pse vendi ndodhet në një situatë të vështirë përsa i përket pandemisë së koronavirusit. Sipas Open Procurement Albania vetëm për tre muaj, shtator- nëntor, Thesari i Shtetit ka regjistruar shifra marramendëse për pagesat e agjencive të udhëtimit që marrin tenderat e biletave jashtë shtetit. Vlera e përllogaritur është 77 milion e 565 mijë lekë të reja.
Tpz raporton se udhëtimet jashtë shtetit vijnë në një trend rritës gjatë kësaj periudhe tremujore që analizohet, sepse mesatarja mujore e bashkisë Tiranë, në vitin 2019, ka qenë afro 19 mijë euro. Në këtë tremujor shifra është mbi 60 mijë euro.
Për të fshehur gjurmët e këtyre shpenzimeve luksi, Bashkia Tiranë ka hequr dorë nga praktika e dikurshme me marrëveshje kuadër për blerje biletash. Tani bëhen të veçuara tenderët. Njoftimi i tenderit të përvitshëm në 2016 fillonte me fjalët: