Ministri i Brendshëm Sandër Lleshaj, i ftuar në emisionin “Opinion” ka treguar në lidhje me makinën që bëri bujë për shkak të çmimit të saj. Lleshaj tha se makina e tij e tipit “BMW” u ka kushtuar taksapaguesve shqiptarë, gjithmonë sipas tij vetëm 49 mijë euro, pasi është blerë në Bavari dhe për këtë arsye ai e ka marrë me një çmim më të favorshëm. Ndërkohë, i pyetur nga Blendi Fevziu nëse është e drejtë që ministri i një vendi si Shqipëria të mbajë një makinë aq luksoze, Lleshaj tha se makina e tij kushton më pak se makinat e shumë drejtorëve në Policinë e Shtetit.
Pjesë nga biseda
Fevziu: Kushton 100 mijë euro.
Lleshaj: Vëre sa të duash. Kjo makinë u ka kushtuar taksapaguesve shqiptarë 49 mijë euro.
Fevziu: Aq e marr dhe unë një.
Lleshaj: Duhet të jesh Ministër i Brendshëm.
Fevziu: Ku është marr makina?
Lleshaj: Tek prodhuesi direkt, në Bavari.
Fevziu: Është e blinduar?
Lleshaj: Nuk është e blinduar, është e thjeshtë me konfiguracionin normal.
Fevziu: E di që fillojnë nga 95 mijë euro.
Lleshaj: Aq kushton për blerësit e zakonshëm. Prodhuesi favorizon një kategori të caktuar klientësh.