20-vjeçari shqiptar që vrau ish-punëdhënësin e tij 69-vjeçar në ishullin grek Santorini, do të dërgohet në gjykatë në Naksos me anije ditën e nesërme. Gjithashtu, shqiptari do të shoqërohet nga avokati i tij, Apostolos Litras gjatë seancës gjyqësore. Sipas mediave greke shqiptari do të pretendojë se ai nuk kishte ndërmend të vriste punëdhënësin e tij që i kishte borxh 200 euro, por që shkoi vetëm për t’i kërkuar lekët. Ndërkohë, janë publikuar për herë të parë foto nga vendngjarja ku u krye krimi. Sipas mediave greke, në foton e parë që ilustrohet në vijim duken shkallët ku shqiptari rrëzoi në tokë 69-vjeçarin, ndërsa fotoja e dytë tregon gjurmën e përgjakshme në murin e bardhë. Kujtojmë se autori tërhoqi zvarrë punëdhënësin e tij që ishte pa ndjenja, e "lau" me vodka dhe i vuri flakën.
Burimi: www.protothema.gr| Përktheu dhe përshtati:JOQ ALBANIA