Ditën e sotme Ministria e Drejtësisë ka propozuar një projektligj, i cili dënon me gjoba dhe burg qytetarët për postimet e tyre në Facebook. Në draftin e paraqitur, në një nga pikat përmendet edhe cënimi i imazhit të personit, qoftë edhe duke bërë një MEME dhe kushdo që kapet duke e bërë diçka të tillë do të dënohet me një vit burg. Ky ligj të shpie drejtpërdrejt në instalimin e diktaturës nga Edi Rama me shokë. Dhe këtë e kanë dëshmuar në jo pak raste, ku vetëm para pak ditësh u mbyll JOQ Albania në Facebook dhe u demonstrua pastër akti censurimi i fjalës dhe lirisë së shprehjes. E vetëm një vit më parë u bllokua domaini joq-albania.com nga AKEP pa vendim gjykate dhe po ashtu u procedua një e re pas një statusi për tërmetin e 26 Nëntorit si përhapëse paniku.
Ndërkohë, në lidhje me MEMET, të cilat lideri suprem ka marrë tentativën t’i vërë fre, pasi siç duket i djeg fakti që është burim bashkë me qeverinë e tij, por duke mos harruar këtu edhe opozitën brenda dhe jashtë parlamentare. Le të kujtojmë faktin e thjeshtë se vetëm disa javë më pari Kryeministri vodhi një meme të JOQ Albania, i fshiu dhe i masakroi logon, me qëllim që të tallte Bashën në "pikën e tij të dobët": Numrat!
Kështu Rama ka vjedhur memen, madje ka dëmtuar edhe logon e JOQ, duke marrë një postim tonin më datë 15 korrik, ndërsa e ka publikuar më datë 30 tetor me qëllim për të vënë në lojë kryedemokratin Lulzim Basha, i cili i 'ngritur' para dërrasës së zezë nuk është në gjedje të kryejë një veprim aritmetikor. Epo, kësaj i thonë të biesh brenda me këmbët e tua! Sa duhet të dënohet Rama si vetë-përdorues i MEME-ve se u tall me Bashën?
