JOQ Albania
App Store
SHKARKO
Home
JOQ Albania

BE-ja do të japë 800 milionë euro vendeve të varfëra për vaksinën anti-covid
Shkruar nga: V Gashi | Publikuar më: 24/11/2020 21:44

  • Share
  • Share
  • Share
  • Share

Pas zbulimit të vaksines anti-COVID shumë shtete në botë, janë futur në “garë” për të prenotuar vaksinën e rëndësishme për qytetarët e tyre. Por, siç të gjithë e dimë vendet e zhvilluara do të jenë të parat që do të mund të sigurojnë sasinë e duhur të vaksinës për qytetarët e tyre, ndërsa vendet në zhvillim dhe aq më tepër të varfërat do të mbeten pas. Duke marr parasysh këtë situatë, bëhet me dije se Bashkimi Europian do të kontribuojë me 800 milionë euro, për të ndihmuar shtetet me të ardhura të ulta e të mesme, të vaksinojnë popullsinë kundër Covid-19.

Presidentja e Komisionit Europian, Ursula Von Der Leyen tha se:

“Duam të garantojmë, që të gjithë të kenë qasje ndaj vaksinës, kudo në botë”

Zyrtarja e lartë, tha se të mërkurën do të firmosnin kontratën me kompaninë amerikane “Moderna”, për të siguruar 160 milionë doza të vaksinës së prodhuar prej saj. Vlen të theksohet se kjo është kontrata e gjashtë që BE-ja nënshkruan me kompani farmaceutike për sigurimin e vaksinave, duke e çuar totalin potencial të dozave në rreth 2 miliardë. Ndërkohë, javën e kaluar kompania “Moderna” tha se vaksina e saj është më efektive me 94.5%.

Burimi:ec.europa.eu | Përktheu dhe përshtati: JOQ ALBANIA