Shoqëria shqiptare në përgjithësi e vuan pak shprehjen dhe shfaqjen e respektit dhe mirësjelljes ndaj të tjerëve. Megjithatë, duhet thënë se ky trend po ndryshon çdo ditë që po kalon dhe një arsye për këtë mund të jetë edhe dalja e shumë shqiptarëve jashtë kufijve të vendit dhe përballja me kulturat e ndryshme europiane. Ndërkohë, para pak minutash një mesazh ka mbërritur në redaksinë tonë, ku një qytetar nga Fieri shkruan se ka një dyqan fruta perimesh dhe se ndër kientët e tij të përditshëm kishte edhe një çift turistësh anglezë. Ai shkruan se një ditë ka mbetur mjaft i impresionuar nga sjlellja dhe kultura e tyre, pasi i kishin lënë shënim një letër në të cilën i shprehnin falenderimet dhe mirënjohjen për shërbimin që i kishte bërë atyre. Në fund qytetari shtron pyetjen se a do të bëhet edhe shoqëria shqiptare ndonjëherë e tillë?