JOQ Albania
App Store
SHKARKO
Home
JOQ Albania

Covid-19/ Rusia bën hap tjetër përpara, prodhohet vaksina që krijoi antitrupa tek të gjithë pjesëmarrësit
Shkruar nga: N Hoxha | Publikuar më: 22/11/2020 0:02

  • Share
  • Share
  • Share
  • Share

Teksa e gjithë bota po lufton për gjetjen e vaksinës Covid-19, gara është përqendruar tek shtetet dhe superfuqitë botërore. Vetëm pak ditë më parë kompania amerikane Moderna deklaroi se vaksina e saj ofronte 95% mbrojtje tek pacientët. Por edhe Rusia nuk ka mbetur pas në garën e fortë dhe njëkohësisht aspiratën për prestigj global në krijimin e vaksinës Covid. Një e tillë është dhe ‘EpiVacCorona’ e Qendrës së Kërkimit Vektor të Siberisë, që ka përfunduar dy fazat e para të testimit në 100 persona, tek të cilët ka krijuar antitrupa në masën 100%.

Qendra kërkimore tha:

Studimet klinike kanë treguar që antitrupat u zbuluan në 100% të vullnetarëve të imunizuar me vaksinën EpiVacCorona. Shumica e vullnetarëve të vaksinuar me vaksinën EpiVacCorona treguan induksion të një përgjigje specifike të theksuar imune të qelizave T.

Gjithashtu pas provave, nuk u vu re asnjë efekt anësor, por sipas qendrës të dhënat e deritanishme nuk e bëjnë vaksinën 100% efektive, pasi do të nevojitet edhje faza e tretë e testimit, e cila ka filluar më 17 nëntor. Më 14 tetor, EpiVacCorona u bë vaksina e dytë e koronavirusit e regjistruar në Rusi. E pari, e quajtur Sputnik V, aktualisht po kalon teste që përfshijnë 40,000 vullnetarë. Rezultatet paraprake kanë treguar se vaksina është 92 %efektive.

Burimi: rt.com |Përktheu dhe Përshtati: JOQ Albania