JOQ Albania
App Store
SHKARKO
Home
JOQ Albania

Covid-19 “mbërthen” Beratin/ Shpërthim infektimesh në institucionet shtetërore
Shkruar nga: V Gashi | Publikuar më: 21/11/2020 20:24

  • Share
  • Share
  • Share
  • Share

Situata e pandemisë në qarkun e Beratit vijon të jetë tepër shqetësuese, ku numri i të infektuarve ka pësuar një rritje të konsiderueshme. Rastet e infektimeve kanë “mbërthyer” çdo institucion shtetëror. Burime bëjnë me dije se kanë rezultuar pozitiv 1 mjek në Qendrën Shëndetësore Nr.1; 1 mjek imazherie në Spitalin Rajonal Berat dhe 2 infermiere në Qendrën Shëndetësore Nr. 2.

Gjithashtu, 1 punonjës në Ujësjellës-Kanalizime, 1 punonjëse në Pallatin e Kulturës, 1 sanitare në Këshillin e Qarkut Berat, 1 punonjës në Filialin e Postës Shqiptare, 1 specialist i teknologjisë së informacionit në Bashkinë Berat, 1 polic në Burgun e Beratit, 1 inxhinier kimist në Doganën Berat, 2 elektriçistë, 1 mësuese në shkollën 9-vjeçare në fshatin Otllak dhe 2 mësues në Urën-Vajgurore.