E trishtë/ Ushtarja vrau veten pas përdhunimit në grup nga kolegët në ushtri

Një ushtare e gardës Kombëtare të SHBA-së vrau veten, pas sulmeve seksuale të përsëritura nga kolegët në ushtri. Morgan Robinson u vetëvra në moshën 29 vjeçare, pasi ishte sulmuar seksualisht në Kuvajt nga kolegët dhe eprorët të saj. Nëna e ushtares së ndjerë, Debbie Robinson ka folur publikisht në lidhje me humbjen e jetës së 29-vjeçares duke thënë se është mungesë absolute e drejtësisë për tmerrin e përjetuar nga vajza e saj. Ajo shton se qëkur ishte e vogël Morgan, dëshironte të shërbente në ushtrinë e SHBA, dhe kur mbushi 21 vjeçe ajo u regjistrua në Gardën Kombëtare.

Nëna e saj tha se:

“Kur ajo ishte dërguar në misionin e saj të parë në Lindjen e Mesme, tmerrin nuk e gjeti në fushën e betejës apo në duart e armikut, por nga sulmet e kolegëve, pasi ngacmohej seksualisht nga ata.”

Kur Morgan tentoi të raportonte sulmet seksuale te eprorët, drejtuesit nuk bënë asgjë për të dënuar dhunën apo për t’i ofruar mbrojtje. Morgan, edhe pse kishte një fëmijë në shtëpi dhe ishte e fejuar, u dërgua në Afganistan, kur ajo arriti atje, u përdhunua në grup nga disa ushtarë dhe eprorë. E zhgënjyer dhe e tmerruar të raportonte aktin e rëndë, Morgan vrau veten katër muaj më vonë. Nëna e saj e dinte se e bija ishte e tmerruar të raportonte përdhunimin, sepse ata e kishin kërcënuar.

Kjo e fundit tha se:

“Kjo ishte hera e dytë. Ajo e dinte se nuk do të shkonte gjëkundi. Asgjë nuk u bë për sulmin në Kuvajt prandaj asgjë nuk do të ndodhte as për Afganistanin.”

Burimi: thegirlsun.com |Përktheu dhe përshtati:JOQ ALBANIA