Gjendja ekonomike e shumë shqiptarëve ka rënë ndjeshëm, sidomos gjatë pandemisë së koronavirusit. Kjo pasi disa prej tyre kanë humbur punën dhe shumë biznese kanë shpallur falimentin, për shkak se qeveria nuk i ka mbështetur sa duhet financiarisht. Por problemi tjetër është dhe fakti se teksa shumë qytetarë mundohen t'ia dalin me forcat e veta sa për të nxjerrë bukën, shteti dhe policia jo vetëm që nuk i lejon, por i konfiskon edhe mallin. I tillë është një rast i mbërritur në redaksinë tonë, ku një qytetari i cili shet në rrugë çorape dhe rroba të përdorura tek Tregu i Medresesë, një efektiv policie ka shkuar dhe i ka konfiskuar mallin.
