Që shifrat nuk janë fusha më e fortë e kryedemokratit Lulzim Basha, tashmë dihet nga të gjithë. Gafa e tij në parlament para pak kohësh ende është objekt memesh. Por megjithatë, dëmi më i madh i një pushtetari nuk janë vetëm gënjeshtrat, por vjedhja që mund t'i bëjë popullit të tij. Shpeshherë KM ka shigjetuar mediat si përhapëse të lajmeve të rreme duke proceduar penalisht drejtuesit e tyre dhe gazetarët që kanë si synim bërjen publike të skandaleve qeveritare. Këto media të cilat Rama i cilëson si përhapëse gënjeshtrash, i ndjek po aq shumë sa ka nisur t'u vjedhë edhe idetë, që siç duket i kanë shteruar për të sulmuar kundërshtarin e tij. Më 30 tetor Rama ka publikuar një meme sarkastike në të cilën duket i montuar Lulzim Basha para dërrasës së zezë duke kryer një veprim aritmetik, por është në dilemë për rezultatin. Ndërkohë, e gjitha kjo është një vjedhje e shëmtuar, pasi MEME-n e ka marrë në mediumin JOQ Albania, postim i publikuar që më 15 korrik. I vetmi ndryshim është se Rama e ka vjedhur materialin me logon e JOQ të fshirë dhe e ka ripostuar si të vetin. Me sa duket stafit FUGIST u paskërkan mbaruar idetë kreative dhe tashmë ka kthyer sytë nga mediat sarkastike për të bërë kryeministrin "cool" në Instagram. Një këshillë miqësore KM, duhet të pushosh ndonjë...