Që nga koha e diktaturës komuniste, Elbasani u piketua si vendi ku do të ndërtohej Kombinati Metalurgjik. Fusha e Bradasheshit me rreth 300 ha në perëndim të qytetit, u caktua si vendi më i përshtatshëm ku do të ngrihej ky kombinat. Por përveç mundësive të punësimit, ky kombinat prej vitesh është kthyer në shqetësim serioz dhe rrezik për shëndetin e qytetarëve. Kjo pasi shkakton një nivel të lartë ndotjeje të ajrit, ndërsa pasojat negative tashmë janë të njohura nga një ndotje e tillë. Së fundmi, një video ka mbërritur në redaksinë tonë nga një qytetar, në të cilën vihet re se sa i ndotur është ajri. Video është bërë sot heret në mëngjes, në orën 05:30.
