Ditën e sotme në varrezat greke në Grykën e Këlcyrës u kremtua Festa Kombëtare e Greqisë “OXI”, ku u zhvilluan homazhe nga pjesëtarë të komunitetit minoritar në varrezat e ushtarëve grekë. Gjatë kremtimit zëvëndësministri i Jashtëm i Greqisë, Kostandinos Vllasis mbajti një fjalim.
Gjatë fjalës së tij, Vllasis përcolli një mesazh për të gjithë komunitetin minoritar në Shqipëri. Ai u garantoi atyre, se asnjëherë nuk do të jenë vetëm.
Kostandinos Vllasis deklaroi se:
Jemi përballë këtyre njerëzve që u matën me vdekjen pa u frikësuar as dhe një moment, u kemi borxh për mirënjohje shekullore. Kemi detyrë të mos i harrojmë. Varrimi i tyre përbën detyrë të shenjtë për ne. Është minimalja për ne. Konjukturat e sotme na vënë përballë sfidave të shumta. Nuk është vetëm beteja e vështirë për luftimin e pandemisë, një vetejë që kërkon prej të gjithëve një vëmendje dhe zbatim të masave që merren. Është edhe përballimi i përditshëm i qëndrimit provokues, pothuasjse armiqësor do të thosha, të një fqinji arrogant, Turqisë. Turqia ka zgjedhur që të kalojë në rrugën e kundërvajtjes ndërkombëtare, në rrugën e kërcënimeve dhe shantazheve. Është shndërruar në një faktor tensionesh dhe destabilizimi të fqinjësisë sonë më gjerë. Një shkaktar i vërtetë për historinë e rëndë që ka trashëguar, jep përditë përgjigje të fortë në det, tokë dhe ajër. Dërgojmë edhe sot pra mesazhin në çdo drejtim: Grekët nuk përulen dhe nuk tërhiqën. Grekët kudo e kanë vëmendjen e tyre të kthyer tek ju. Helenizmi është një dhe i pandarë.