Sipas shifrave të fundit, nga përllogaritja del se borxhi publik në vitin 2020 ka arritur në nivelin më të lartë historinë ekonomike të vendit, sa 86 % e Produktit të Brendshëm Bruto. Llogaritja e borxhit është e vështirë po të kemi parasysh se qeveria ka dhënë dhjetra koncesione ose kontrata PPP, të cilat nuk i llogarit zyrtarisht si pjesë të borxhit publik, megjithëse është kritikuar nga institucionet ndërkombëtare për këtë qasje. Po të merren vetëm koncesionet e rrugëve, shëndetësisë dhe inceneratorëve, detyrimi total që duhet të paguhet nga buxheti është rreth gjysëm miliardë euro.
Nëse ia shtojmë këtë sasi vlerës së borxhit, borxhi real i vendit shkon në 10.7 miliardë euro. Krahasuar me PBB-në e vitit 2019, ky borxh shkon sa 78% e tij. Ndërkohë në lidhje me prodhimin për vitin 2020, niveli i borxhit të tanishëm është rreth 83 %e PBB-së. Megjithatë borxhet nuk mbarojnë këtu, pasi qeveria ka fatura dhe detyrime të pashkyera për një sërë shërbimesh. Po të krahasohet me PBB-në e vitit 2019, borxhi arrin në 80% të tij, Ndërkohë me PBB-në e vitit 2020, borxhi kap shifrën 86%.
