Kur bëhet fjalë pë ardhjen e dimrit, e gjithë popullsia merr masa të mëdha paraprake. Një stuhi tropikale pritet që të godasë dy rajone në pjesën jugore të ishullit kryesor të Luzon në Filipine. Mediat e huaja bëjnë me dije se autoritetet vendase kanë evakuuar mbi 1800 persona dhe kanë pezulluar të gjithë lundrimet në det. Shiu i rrëmbyeshëm pritet të shkaktojë përmbytje dhe mijëra banorë të evakuohen. Pritet që kjo stuhi të drejtohet dhe për në Vietnam ku më shumë se 100 njerëz kanë vdekur brenda javës nga moti i keq.
Paralajmërimet e erës për ciklon tropikal u dhanë për disa provinca në rajonet Bicol dhe Calabarzon me stuhi Molave që pritet të bëjë zbarkimin më vonë gjatë ditës ndërsa përshkon zonën jugore të Luzon, tha Byroja Kombëtare e Motit. Molave ndjek stuhinë tropikale Saudel, e cila javën e kaluar shkaktoi përmbytje të përhapura në provincën Quezon në rajonin Calabarzon, në juglindje të kryeqytetit Manila. Ndërkohë u anuluan udhëtimet në det në rajonin Calabarzon, ku më shumë se 662 njerëz u bllokuan në porte për shkak të erërave të forta, sipas agjencisë së monitorimit të katastrofave.
Burimi: Reuters|Përktheu dhe përshtati: JOQ ALBANIA