Rriten tensionet Turqi-Francë, Parisi tërheq ambasadorin në Ankara pas deklaratës së Erdogan-it

Politika e Tayip Erdogan u përshkrua si e rrezikshme nga homologu i tij francez, Emanuel Macron, pas deklaratës së presidentit turk se kreu i shtetit francez ka nevojë për psikiatër dhe kontroll të shëndetit mendor. Presidenca franceze ka denoncuar, në veçanti, deklaratat e papranueshme të presidentit turk, i cili vuri në dyshim ” shëndetin mendor ” të homologut të tij francez Emanuel Macron, për shkak të trajtimit të tij ndaj myslimanëve.

Deklarata e presidencës franceze:

Deklaratat e Presidentit Erdogan janë të papranueshme. Provokimi dhe vrazhdësia nuk janë një metodë. Ne kërkojmë që Erdogan të ndryshojë rrjedhën e politikës së tij, sepse ajo është e rrezikshme në çdo mënyrë. Ne nuk përfshihemi në një luftë të padobishme dhe nuk pranojmë fyerje”, njoftoi presidenca franceze, duke njoftuar se Parisi po thërriste ambasadorin francez në Ankara për konsultime.

Franca vëren gjithashtu mungesën e mesazheve të ngushëllimit dhe mesazheve të mbështetjes nga Presidenti i Turqisë pas vrasjes së Samuel Patti, mësuesi i cili u pre kokat një javë më parë në një sulm islamik pranë shkollës së tij në periferi të Parisit. Kujtojmë se tensionet mes dy vendeve kanë disa muaj që janë rritur në fakt, pasi Franca ka dalë në mbështetje të Greqisë në konfliktin që ka kjo e fundit me Turqinë në Mesdheun Lindor.

Burimi: france24.com |Përktheu dhe Përshtati: JOQ Albania