Lagjia 1 Maji në qytetin bregdetar të Vlorës po përballet me një situatë të rënduar në infrastrukturën rrugore. Banorët që jetojnë në këtë lagje kërkojnë zgjidhje të problemit në fjalë. Banorët shkojnë dhe më tej teksa shprehen se nëse nuk rregullohen rrugët, ato do të bojkotojnë procesin e zgjedhjeve në 25 prill. Në këtë lagje banojnë 220 familje të cilët kërkojnë rikualifikim të zonës.
Gjithashtu banorët shprehen se që prej fillimit të muajit tetor në afro 26 familje të zonës ka ardhur fleta e shembjes së banesave egzistuese për arsyen se blloku i banimit i lagjeve 1 Maj dhe 24 Maj do të rehabilitohen në total. Në këtë lagje investimet kanë munguar për 30 vite me rradhë, ndërsa shpresojnë që ky projekt të realizohet sa më shpejt. Po ashtu banorët ankohen edhe për një problem tjetër. Sipas tyre rruga egzistuese e lagjes është devijuar duke shkaktuar shembjen e panevojshme të disa banesave.
