Një tjetër rast i veprimtarisë kriminale në fushën e falsifikimit të dokumentave dhe mashtrimit ka ndodhur disa çaste më parë, ndersa ne pranga ka rënë një 38-vjeçar. Behet fjale per ish-futbollistn Agron Lila.
Sipas policisë operacioni i koduar “Kontrata”, por edhe në bazë të kallëzimit të marrë nga shtetasi me iniciale G.M., një shtetas në anë të mashtrimit i kishte përvetesuar pronën dhe se ja kishte shitur dikujt tjetër. Si rezultat, u bë kapja dhe ndalimi i shtetasit Agron Lila, 38 vjeç, banues në Tiranë. Ky shtetas në anë të mashtrimit dhe falsifikimit të dokumentave ka përvetësuar pronën e shtetasit G.M., duke ia shitur një blerësi tjetër.
Ndërkohë, burime nga policia bejnë me dije se vijon puna për identifikimin dhe kapjen e personave të tjerë të implikuar në këtë veprimtari kriminale.
Materialet i kaluan Prokurorisë së Rrethit Gjyqësor Tiranë, për veprat penale “Mashtrimi”, “Flasifikimi i dokumentave”, “Fshehje të ardhurash” dhe “Mospagim taksash dhe tatimesh”.