Dy persona kanë përfunduar pas hekurave, pasi akuzohen për ushtrim të paligjshëm të lojërave të fatit.
Më konkretisht pronari i lokalit në Gramsh me iniciale R.N., 29 vjeç dhe kamerieri i tij Xh.B., 21 vjeç janë arrestuar sepse sipas policisë akuzohen për veprat penale “Organizimi i lotarive të palejuara”, dhe “Fshehja e të ardhurave”.
Ndërkohë, dy vite pas mbylljes së kazinove dhe lojërave të fatit, qeveria shqiptare ka vendosur ta rihapë këtë aktivitet i cili sa vjen edhe shtohet si kërpudhat në çdo zonë të Tiranës.Nga ana tjetër siç duket “superaksionet” e Lleshit vlejnë vetëm për vendet e vogëla jashtë Tiranës. Gjithashtu, sipas njoftimit të policisë në lokalin në lagjen “18 Gushti” në Gramsh, iu gjet dhe iu sekuestrua në cilësinë e provës materiale dy aparat celularë me faqe sportive të hapura, ku ishin të vendosura biletat me ndeshje, një kompjuter dhe një monitor.