Degradimi i shoqërisë në Shqipëri bëhet më i thellë kur bëhet fjalë për raste të tilla neveritëse dhe të trishta. Një 15-vjeçare nga Gjilani dyshohet se është dhunuar dhe abuzuar s*ksualisht mbrëmë nga tre persona, në një nga motelet e këtij qyteti. 15-vjeçarja ka bërë vetë denoncimin në polici, ku efektivët kanë arrestuar menjëherë të rinjtë. Ndaj të dyshuarve A.SH. (2001), Q.P. (2001) dhe E.C. (2003) prokurori i rastit, sot ka kërkuar caktimin e masës së paraburgimit, në afat prej 30 ditësh, për shkak të dyshimit të bazuar se në një motel në Gjilan, të njëjtit e kanë detyruar të dëmtuarën e mitur, të moshës 15 vjeçare, të kryente marrëdhënie seksuale pa dëshirën e saj. Policia gjithashtu raporton se e mitura ka probleme mendore.
Dy prej të arrestuarve janë të moshës 19-vjeçare, derisa një prej tyre është 17-vjeçar. Të dyshuarit për këtë dhunim janë nga Mitrovica, Vushtrria dhe Drenasi.