Naftëtarët i përgjigjen Ramës: Vendimi është i grave, nuk dalim nga greva

Prej 18 ditësh natëtarët e Ballshit janë në grevë dhe për shkak të komplikacioneve shëndetsore janë zvendësuar nga gratë e tyre. Gratë naftëtare kanë hyrë në ditën e 9-të të grevës.

Kryeministri Edi Rama me anë të një postimi në Twitter shprehu gadishmërinë e tij për ti takuar grevistët dhe për të diksutuar për problemet e tyre nëse ata e linin grevën. Por grevistët i janë përgjigjur se verdikti është i grave dhe ato nuk kanë pranuar ta lënë grevën. Ata insistojnë që zgjidhja duhet të merret në Ballsh teksa premtojnë se nuk do të tërhiqen nga kërkesat dhe greva.

Naftëtarët thonë:

E përgëzoj kryeministrin për lajmin e mirë që na jep neve. Edhe njëherë verdikti nuk është i imi, por i grave aty lart që po sakrifikojnë. Rama të vijë në Ballsh, të ulemi, të negociojmë për zgjidhje. Absolutisht jo, nuk e lemë grevën. Të ulemi këtu në Ballsh dhe të gjejmë zgjidhje.