Naftëtaret në gjendje të rëndë, Rama iu bën presion dhe iu vë kushte: Dilni nga greva dhe do vij tek ju!

Naftëtarët e Ballshit janë në ditën e nëntë të grevës së urisë dhe gjendja e tyre sa vjen edhe përkeqësohet. Kryeministri Edi Rama iu vendos kushte se do ti takojë ato, vetëm në rast se greva mërrë fund. Përmes një postimi në rrjetet sociale, Rama iu kërkon naftëtareve që të lënë grevën e urisë, pasi asgjë nuk mund të zgjidhet me presion, ndërkohë që u bën presion vetë.

Ky i fundit është shprehur se:

Unë jo vetëm nuk po hesht por po përsëris çdo ditë ndalni grevën dhe ulemi diskutojmë për hallin tuaj! Nuk ka negociata me presione e me ultimatume në një familje, po ka qarje halli me logjikë e me zemër të hapur! E thjeshtë: Dilni nga greva dhe do vij unë vetë tek ju menjëherë.

Ndërkohë, naftëtaret deklarojnë se nuk do të tërhiqen nga greva deri në plotësimin e të gjitha kushteve të tyre, që janë marrja e pagave të prapambetura dhe rifillimi i punës në Rafineri.