I ngjason emri me terroristin Bin Laden/ Futbollisti: Mendova ta ndryshoj, vëllai quhet Sadam Husein

Një rast totalisht i pazakontë vjen nga Peruja. Një futbollist i quajtur Osama Vinladen ka shkaktuar polemika pasi emri i tij ngjason me atë të terroristit Osama Binladen që është organizator i rrëzimit të kullave binjake në 11 shtatorin e famshëm në SHBA. Futbollisti Vinladen është shprehur se shpeshherë ka menduar të ndryshojë emrin dhe të fitojë qetësinë, ndërsa thekson se vëllai i tij ka një emër po aq të diskutuar siç është Sadam Hysein.

Osama shprehet:

Kam menduar seriozisht ta ndryshoj emrin, por tani jam mësuar dhe nuk më bën përshtypje. Vëllai im quhet Sadam Husein dhe fëmijës tim të tretë do t’ia vendosja emrin Xhorxh Bush, por lindi vajzë. Këto janë emra që janë marrë nga lajmet në televizion. Mendoj se në Peru është edhe një person që quhet Hitler. Në histori duhet të ketë edhe ndonjë Jezus që ka bërë keq, nuk mendoj se është e drejtë të limitohet mundësia për t’i vendosur emër fëmijëve.