Vllaznia e Shkodrës po has probleme të mëdha ditët e fundit, sa i përket rasteve pozitivë me COVID-19 brenda ekipit. Aktualisht janë 5 lojtarë të karantinuar, konkretisht: Aleksandar Isaevski, Mevlan Adili, Kristofer Mandiangu, Viktor da Silva e sulmuesi afrikan, Ismael Dunga, por ky i fundit e ka thyer karantinimin.
Sulmuesi, edhe pse nuk është shëruar, po stërvitet normalisht. Deri në këtë pikë, nuk ka asgjë të keqe, por çështja qëndron se ka dalë nga shtëpia, edhe pse është pozitiv nga “COVID-19”,shkruan "Panorama Sport". Ka qenë vetë lojtari që ka postuar një foto në “Instagram” nga stadiumi “Loro Boriçi”, teksa përgatitej i diferencuar.