Interi luan sot në Champions League përballë Borusia Monchengladbach, por për fatin e keq, klubi zikaltër ka marrë lajmin e keq disa orë para ndeshjes. Mesfushori i ardhur këtë merkato vere, Açraf Hakimi ka rezultuar pozitiv me koronavirus pas testeve të kryera së fundmi. Padyshim një goditje e rëndë kjo për trajnerin Konte, me Hakimin që është një nga lojtarët më të mirë momentalisht në skuadër dhe kishte blinduar vendin e titullarit. Marokeni i shtohet kështu listës më lojtarët e infektuar, ku bëjnë pjesë Galjardini, Shkrinjar, Naingolan dhe Eshli Jang. Interi zbret në fushë sot në orën 21:00 në "San Siro".