Zlatan Ibrahimoviç ka ndryshuar totalisht fytyrën e Milanit këtë sezon. Sulmuesi suedez, ishte një ndër protagonistët kryesorë të derbit të Milanos, ku me dy golat e tij ka ndihmuar kuqezinjtë që të mundin Interin dhe të fitojnë derbin pas 4 vitesh. Sipas Ibras, ekipi aktual duhet të ketë pretendime për të fituar titullin, nëse vazhdon në rrugën e duhur. Ai gjithashtu tha se ishte betuar se këtë ndeshje do e luante edhe po të ishte pozitiv me COVID-19.
Ibra u shpreh:
Skuada po bën gjëra të mëdha, pas ndërprerjes jemi rritur shumë dhe mentaliteti është ndryshe. Të rinjtë marrrin më shumë përgjegjësi dhe stërviten shumë. Jam më i vjetri dhe ndjej shumë përgjegjësi. Jam një lider, të gjithë ndjekin dhe të gjithë kanë dëshirë që të fitojmë. Nuk jam i çuditur nga vetja ime, e di atë që dua. Shkova në SHBA që ta rifilloja nga zero, në Mançester nuk isha gati dhe i kërkova Murinjos që të mos më grumbullonte se nuk isha në lartësinë e duhur. Pastaj ishte Milani që më tha të kthehesha në Europë.
Koronavirusi? Humba vetëm pak shijen, por nuk kisha simptoma të tjera, Bëja tampon çdo tre ditë dhe u betova që do ta luaja derbin me çdo kusht, edhe nëse do të isha ende pozitiv. A ndjehem një luan? Nuk ndjehem një luan, unë jam një luan. Po, ndjehem më i kompletuar dhe eksperienca ndihmon. Nëse do të kisha sot të njëjtën gjendje fizike të një djaloshi, nuk do të më ndalte askush, por as tani nuk po më ndal. Kur unë erdha këtu, objektivi ishte Europa dhe ia dolëm e duhet të kthehemi aty e të paraqitemi mirë, Ekziston mundësia për të fituar titullin, nëse beson te diçka mund t’ia dalësh”.