JOQ Albania
App Store
SHKARKO
Home
JOQ Albania

Lali Zdromsi lë në harresë rrugën në Shkozë, banorët: Na duket sikur jemi në Siri!
Shkruar nga: S Shtjefni | Publikuar më: 17/10/2020 16:42

  • Share
  • Share
  • Share
  • Share

Rruga ”Theofan Popa”në lagjen “Spahiu” në Shkozë ndodhet në një gjendje katastrofale. Edhe pse është një zomë që i përket kryeqytetit, pamja që të fal, lë shumë për të dëshiruar. Në zonë jetojnë rreth 400 familje të cilat prej vitesh nuk kanë përfituar asnjë investim. Për shkak të kësaj, banorët e lagjes dolën këtë të shtunë në protesë. Në një prononcim për Ora News qytetarët shprehen se rruga ka shumë vite që nuk është rikonstruktuar. Ata thonë se fundi i këtij problemi është premtuar shumë herë në kohë zgjedhjesh, por sipas banorëve pasi kanë marrë pushtetin asnjë premtim nuk është mbajtur.

Banorët:

Është turp. Një kilometër rrugë e pashtruar. Na duket sikur të jemi në Siri por dhe me aq taksa të shtrenjta që paguajmë ne kjo rrugë do ishte e shtuar në cilësinë më të madhe. 20 vite e mbaj mend qendrën hiq pllaka e vër pllaka ndërsa periferinë e mbulojnë ferrat. Shohim me telefon, me kandil si në kohë të qepës. Askush nuk na ka dhënë zgjidhje. Vetëm gënjejnë.

Banorët po ashtu janë shprehur se nëse rruga nuk do të rindërtohet, ata do shkojnë të kërkojnë llogari në Bashkinë e Tiranës.