Kalaja e Shkodrës është një nga monumentet historike më të rëndësishme të vendit tonë. Ky vend dëshmon bukurinë por njëkohësisht edhe simbolin e qëndresës gjatë fushatave pushtuese të perandorive romake e osmane. Kështu Kalaja e Rozafës përbën një pikë të rëndësishme të njohjes së historisë së popullit shqiptar. Për këtë arsye vizitohet nga shumë turistë dhe qytetarë të vendit. Por mesa duket problemet e kanë përfshirë dhe atë, pasi në menaxhimin e saj po abuzohet me çmimet e biletave për vizitorët.
Sipas një mesazhi të mbërritur në redaksinë JOQ Albania, një qytetar shkruan se po abuzohet me çmimet, pasi duhet të paguash dy herë që të vizitosh muzeun. Në fillim pritet një biletë prej 400 lëkësh, pastaj duhet të presësh edhe një tjetër 150 lekë. Por skandali sipas tij është se edhe pas pagesës nuk kanë arritur të shohin asgjë në muze, pasi ishte i mbyllur dhe nuk ofrohej shërbim. Ai shprehet se çdo vit i kanë rritur çmimet e biletave, por shërbimet lënë shumë për të dëshiruar.
Mesazhi i mbërritur nga qytetari: