Bayerni i Mynihut dhe Interi tentuan shkëmbimin e bujshëm në merkato në ditën e fundit. Kristuan Eriksen mund të ishte transferuar në Mynih,dhe Boateng te Interi por bavarezët nuk pranuan. Interi bleu Eriksenin në merkaton e janarit për një shumë prej 27 milionë euro sepse kontrata e danezit me Tottenham po skadonte. Në atë kohë, Eriksen ishte një nga lojtarët më të respektuar në Evropë në pozicionin e tij dhe vlera e tij reale ishte të paktën tre herë më e lartë se sa pagoi Interi.
Sidoqoftë, Eriksen nuk arriti të futet në sistemin specifik të Contes (3-5-2). Danezi ka luajtur gjithsej 29 ndeshje, duke shënuar katër gola dhe duke asistuar tre, por nuk është ai Eriksen i Tottenhamit. Bayern po kërkonte një lojtar i cili mund të ishte zëvendësues i Muller , kështu që Inter ofroi Eriksen por të ardhurat e mëdha të danezit ishin një pengesë për të lëvizur në Gjermani. Edhe pse Boateng është katër vjet më i vjetër se Eriksen, Hans Flick i kërkoi atij të qëndronte sepse Eriksen nuk ishte lojtari që i duhej.