Nuk kanë fund problemet te Interi, përsa i përket situatës së krijuar me koronavirus. Rastet vazhdojnë të rriten dita ditës dhe i fundit që ka rezultuar pozitiv ka qenë futbollisti anglez, Ashley Young. Pas testeve të kryera, mbrojtësi i djathtë ka zbuluar se është i infektuar dhe është futur menjëherë në izolim.
Së bashku me Young, pozitivë me koronavirus kanë rezultuar gjithastu gjatë ditëve që kaluan edhe Galjardini, Naingolan, Bastoni, Shkrinjar dhe portieri, Andrei Radu. Padyshim një problem i madh për Interin dhe trajnerin Konte para një ndeshjes të rëndësishme si ajo ndaj Milanit, pasi deri tani janë konfirmuar 6 lojtar me COVID-19. Kujtojmë që edhe nga skuadra e Milanit ka disa raste me koronavirus, por fatmirësisht ndeshja nuk është anuluar.