JOQ Albania
App Store
SHKARKO
Home
JOQ Albania

Virologia kineze trondit sërish: Covid u krijua në laborator, do publikoj provat! OBSH po bashkëpunon me Kinën
Shkruar nga: N Hoxha | Publikuar më: 24/09/2020 18:40

  • Share
  • Share
  • Share
  • Share

Virologia e njohur kineze, Li-Meng Yan, ka bërë një tjetër deklaratë të fortë lidhur me koronavirusin. Teksa ka drejtuar sërish gishtin nga Kina për pandeminë, ajo është shprehur se Covid-19 është një patogjen artificial i lëshuar nga një laborator. Nuk kemi të bëjmë me një virus natyror, por me një patogjen artificial të lëshuar nga një laborator, ka thënë virologia. Sipas saj, qeveria e Pekinit ka gënjyer për entitetin real të Sars-Cov-2. Askush nuk po thotë të vërtetën: OBSH bashkëpunon gjithashtu me Partinë Komuniste Kineze, shtoi ajo.

Ajo ka premtuar se do të zbulojë provat që konfirmojnë teorinë e saj: “Së shpejti unë do të botoj një raport tjetër, përveç atij që kam publikuar. Ai do të përmbajë shumë detaje specifike se si u zhvillua virusi dhe kush kishte në posedim substancat e përdorura. Në atë moment të gjithë do të mund të shohin se kam të drejtë”, ka deklaruar ajo. Mjekja e quan pandeminë një katastrofë historike që nuk duhet të kishte ndodhur kurrë. Duke folur për mediat italiane, ajo ka treguar se kolegë të saj i thanë që të mbylle gojën dhe të fshehë të vërtetën. Tregu i Wuhan është vetëm një justifikim, nuk ka asnjë lidhje me përhapjen e virusit, ka theksuar Yan.

Burimi: dnaindia.com |Përktheu dhe Përshtati: JOQ Albania