E gjithë ngjarja tronditëse që po vazhdon akoma në qytetin e Elbasanit, nisi nga konflikti i të moshuari Lefter Zhidru, 71 vjeç, me bashkëshorten e tij dhe vajzen e tij 14-vjeçe. Siç kanë treguar fqinjët, kur bashkëshortja e tij ka hyrë në shtëpi së bashku me vajzën, i moshuari i ka kërkuar llogari duke e pyetur se ku kishte shkuar, pikërisht në këtë moment nisi konflikti mes tyre. Gjatë debatit 71-vjeçari e ka humbur toruan dhe ka shkuar të marrë armën për të vrarë të shoqen. Ajo e ka kuptuar dhe menjëherë ka dalë nga banesa bashkë me të bijën duke marrë policinë në telefon. Ndërkohë 71-vjeçari ka dalë në ballkon dhe ka terrorizuar Elbasanin duke lënduar dhe dy të rinj kalimtarë, Ledio Saraçi 22 vjeç dhe Adenouer Konaxhiu, 21 vjeç.