Pushimet janë një periudhë e rëndësishme, pasi rinisja e aktiviteteve pas tyre sjell një lloj gjallërie. E tillë është dhe rinisja e emisioneve televizive. Ndërkohë diçka që është vënë re, ka të bëjë me emisionin e humorit Klanifornia në TV Klan, i cili mesa duket ka dështuar përfundimisht. Shqiptarët nuk kanë shfaqur asnjë interes për këtë emision me humor të vjedhur. Për t'u bindur për këtë mjafton vetëm të shikohen klikimet në Youtube të Klanifornia. Në 11 videot e publikuara së fundmi të Klanifornia, vihet re se të gjitha kanë një numër të ulët klikimesh dhe views, të cilat variojnë nga 900-2000 views dhe 5000-25000 maksimumi.
Le t’u hedhim një sy videove në YouTube të Klanifornia, për të krijuar një ide më të poltë. Nëse mblidhen në total, llogaritet se 11 videot e hedhura nga Klanifornia arrijnë vetëm 95241 views. Një shifër qesharake në fakt, pasi një numër i tillë shikueshmërie kapet edhe nga faqe mediokre në Fb. Mesa duket Televizioni Kombëtar TV Klan është katandisur keq, pasi nuk arrin as shikueshmërinë e një televizioni lokal. Humori i Klanifornia duket se është bërë bajat dhe nuk përbën më interes për shikuesit.
TV Klan vs Top Channel
Krahasimi me emisionet në Top Channel përbën një diferencë të madhe, ku vetëm në një video të emisionit Për'puthen ka minimalisht 5 herë më shumë shikime sa të gjitha videot e Klanifornia të marra së bashku. Emisioni i publikuar dy ditë më parë në faqen zyrtare të Top Channel në You Tube ka 562,526 views, nga 95 mijë që kanë në total 11 video të TV Klan. Madje, Klanifornia me një ekip aktorësh me shpenzime të mëdha, nuk vlen as sa një kronikë e Top Channel, e cila flet për historinë e Llazit nga Peshkopia, i martuar me dy gra. Kronika në Selishtë të Peshkopisë, e publikuar thuajse në të njëjtën kohë me videot e Klanifornia, ka marrë deri të dielën në mesditë 269,816 views.
Klanifornia, kopje e shëmtuar e Portakollisë
Që në momentin e parë, Klanifornia u kritikua gjerësisht si një emision pa cilësi, ndërsa disa qytetarë e cilësuan si një kopje e shëmtuar e Portokallisë. Në fakt nuk kishte si të ndodhte ndryshe në kohën kur pjesa më e madhe e aktorëve të Klanifornia, janë ish-aktorë të Portokallisë. Krijimi i Klanifornia ka një shpjegim të vetëm: Smira e Aleksandër Frangajt, i cili di vetëm të kopjojë dhe nuk ka një ide origjinale! Vihet re se audienca e TV Klan ka rënë ndjeshëm që pas daljes së këtij TV nga platforma më e madhe në Shqipëri, DigitAlb. Shifrat mund të maten lehtësisht në You Tube nëpërmjet platformës ndërkombëtare Social Blade, e cila mat në kohë reale audiencën e çdo platforme në Youtube. Në statistikat e 30 ditëve të fundit vihet re që Top Channel ka dyfishin e klikimeve, me 67 milionë klikime, kundrejt TV Klan me 29 milionë klikime.