Një zarf me helm ricine u dërgua në Shtëpinë e Bardhë për presidentin Trump. Ajo u zbulua nga një strukturë shqyrtimi në fillim të kësaj jave. Mbi rastin nuk ka mbërritur ende asnjë koment për raportet nga ana e Administratës së Trump. FBI po heton mbi rastin. “Në këtë kohë, nuk ka asnjë kërcënim të njohur për sigurinë publike,” -tha FBI për CNN në një deklaratë të shtunën.
Sipas burimeve të New York Times, pakoja mendohet se është dërguar nga Kanadaja. Policia Mbretërore Kanadeze (RCMP) tha të shtunën se po punonte me FBI për të hetuar “letrën e dyshimtë dërguar Shtëpisë së Bardhë”.
Çfarë është ricini?
Ricin prodhohet duke përpunuar kokrat e ricinit. Është një substancë vdekjeprurëse që, nëse gëlltitet, thithet ose injektohet, mund të shkaktojë të përziera, të vjella, gjakderdhje të brendshme dhe në fund kolapsim të organeve. Vdekja nga ricini ndodh brenda 72 orëve dhe nuk ekziston një antidozë për të.
