Sherri për gjënë më të vogël është kthyer në diçka të zakonshme tashmë në Shqipëri. I tillë është një rast i mbërritur para pak minutash në redaksinë JOQ Albania. Ngjarja ka ndodhur te Rruga e Kavajës, përballë postbllokut të Ambasadave, ku disa të rinj po kalonin me biçikletë në vijat e bardha, ndërsa shoferi i një automjeti nuk i ka hapur rrugën, duke i penguar kështu të kalonin. Siç shihet edhe nga pamjet, ata janë përfshirë në një sherr të fortë dhe e godasin njëri-tjetrin me grushta. Aspak një sjellje denjë, duhet thënë, ndërsa toleranca dhe respekti për tjetrin është në nivele mjaft të ulta.