Shumë yje futbolli nuk kanë ditur t'i menaxhojnë si duhet të ardhurat stratosferike që kanë fituar gjatë karrierës së tyre nga ky sport. Edhe pse kanë pasur talent në futboll, aftësia në menaxhimin e financave ka lënë për të dëshiruar. Disa prej tyre, edhe pse kanë qenë të super paguar, sot kanë përfunduar trokë. Së fundmi, prestigjozja britanike "The Sun", ka përpiluar një listë me disa futbollistët e njohur, të cilët i shpenzuan milionat e tyre në alkool, bixhoz, luks të tepruar, investime të dështuara dhe gjëra të tjera. Sot ata janë të varfër dhe bëjnë një jetë normale. Ja lista e plotë:
Ronaldinho
Legjenda braziliane. Ndoshta një nga më të mirët në historinë e futbollit, sot ka mbetur me pesë euro në llogarinë e tij bankare, ndërkohë që ka borxhe në vlerë prej afro dy milionë euro.
Maradona
Ai ishte quajtur lojtari i shekullit nga FIFA, dy herë e theu rekordin botëror të transferimeve, mirëpo në vitin 2009 falimentoi. Autoritetet tatimore të Italisë i kërkuan që të paguante tatim prej 46 milionë eurosh për periudhën që kishte luajtur te Napoli. Sot ai bën një jetë të thjeshtë në Argjentinë.
David James
Edhe pse kishte fituar pasuri prej 22 milionë eurosh gjatë karrierës së tij, ish-portieri i Anglisë, David James, falimentoi në vitin 2014. Krahas karrierës së suksesshme me klube, si Liverpool dhe Manchester City, James ka qenë edhe model për Armanin dhe ka qenë poseduar prona të shumta. Megjithatë, shkurorëzimi i kushtueshëm në vitin 2005 e shtyri atë në borxhe të shumta duke e detyruar që t’i shiste pronat e tij dhe në fund falimentoi.
John Arne Riise
Dy vjet pasi e fitoi Ligën e Kampionëve me Liverpoolin, mbrojtësi falimentoi. Norvegjezi ishte vetëm 26 vjeçar kur përfitonte rreth 55.000 euro në javë në Anfield. Mirëpo, një borxh i papaguar prej 110.000 eurosh, bëri që të nisej një hetim, me ç’rast Riise i humbi 3.3 milionë euro.
Keith Gillespie
Një tjetër i varur nga bixhozi, produkti i Manchester Unitedit humbi më shumë se nëntë milionë euro pasuri. Ish-mesfushori i Newcastle United e shpalli falimentimin në vitin 2010 kur ishte 35 vjeçar. Ai ka treguar se krahas bixhozit, kishte shpenzuar edhe në prona dhe në skema filmike.
Paul Merson
Bixhozi, alkooli dhe drogat, bënë që legjenda e Arsenalit të humbte pasurinë prej nëntë milionë eruosh. Megjithatë, ish-mesfushori është rikuperuar dhe punon si analist i Sky Sports duke përfituar mjaftueshëm.
Eric Djemba-Djemba
Pasi kishte luajtur me Cristiano Ronaldon e Ryan Giggsin te Manchester Unitedi, Djemba-Djemba e deklaroi falimentimin katër vite pas transferimit te Aston Villa. Mesfushori kamerunas kaloi kohë në St Mirren dhe në Superligën e Indisë për t’i rikthuer fondet, ndërsa në fund luante në ligën e katërt të Zvicrës derisa u pensionua.
