Pasditen e djeshme Tirana u trondit nga një shpërthim tek ish-stacioni i fundit i "Tiranës së Re" duke shkaktuar frikë tek banorët e zonës. Siç u mësua, shënjestër ishte Preng Gjini, ndaj të cilit u krye tentqtivë eleminimi fizik, pasi prej vitesh ekziston një konflikt mes familjeve Reçi dhe Gjini nga Rrësheni. Gjini ka arritur të mbijetojë mrekullisht ndaj atentatit, ndërsa u transportua në gjendje të rëndë në spital.
Ngjarje të tilla ngjallin ankth tek qytetarët. Ankth, i cili përmbledh më së miri frikën ndaj të panjohurës dhe të ardhmes që të pret. E themi këtë pasi jeta në Shqipëri është bërë e pasigurt; krímí i organizuar ka krijuar një strukturë mjaft të fortë dhe nuk kursen as jetë qytetarësh të pafajshëm. Përveç shënjestrës, mbrëmjen e djeshme u lënduan edhe dy persona të tjerë, njëri nga të cilët ishte shtetas italian. Edhe sa do të duhet të jetojmë dhe të ecim me frikë në rrugë? A do të ketë ndonjëherë fund ky makth për shqiptarët? Natyrisht përgjegjësinë më të madhe në këtë mes e ka shteti, i cili duhet të bëjë më shumë në goditjen e strukturave dhe agjenturave krímínale.
Lidhur me këtë çështje JOQ Albania krijoi një sondazh me pyetjen:
Nga votimi i shqiptarëve rezulton se 14% prej tyre mendojnë se Rama po e lufton krímín në vend, ndërsa pjesa dërrmuese prej 86% mendon të kundërtën, pra që qeveria Rama nuk po e lufton atë.