Ambulancat e reja rrinë kot në parkim/ Rama “shpërblen” Dulakun me 2,3 miliardë për 36 copë të tjera

Shkruar nga: M Gjini | Publikuar më: 07.09.2020, 23:04

Zgjedhjet po afrojnë dhe bashkë me to shtohet edhe zemërgjerësia e Rilindjes për të mbushur xhepat e biznesmenëve pranë saj me paratë e shqiptarëve. Janë jo pak por plot 2,3 miliardë lekë të vjetra me TVSH që Rlindja do t’ia japë familjes Dulaku për blerje ambulancash. Bëhet fjalë për tenderin me numër reference REF-64308-07-06-2020 dhe me objekt “Blerje autoambulanca për plotësimin e nevojave të Ministrisë së Shëndetësisë dhe Mbrojtjes Sociale”.

Një tender i dyshimtë në fakt për disa arsye. Së pari pasi vetëm pak kohë më parë Rilindja u mburr për ambulanca të reja të cilat i kishte blerë për të përmirësuar shërbimin. Përveç tyre një numër jo i vogël u dërguan edhe nga Turqia sipas vetë deklarimeve të Ramës. Por sipas një denoncimi të një personeli shëndetësor mbërritur pranë JOQ Albania, një pjesë e mirë e autoambulancave të reja rrinë të parkuara kot në spitale pa u përdorur, por vetëm për propagandë mediatike.

Pra sa herë që Rilindja ka nevojë të bëjë propagandë, vijnë kamerat dhe filmojnë autoambulancat. Ndërsa më pas ato mbeten po aty në parkim, pa u përdorur për të sëmurët. E në fakt këtë e vërteton edhe fakti që shpesh në rrugët e vendit shikohen përsëri shumë ambulanca të vjetra. Sipas denoncimit të mbërritur pranë JOQ Albania, aktualisht janë 10 autoambulanca që mbahen në QKUM për reklama propagandistike, pra që rrinë kot pa u përdorur.

Duke ditur këtë, për çudi Agjencia e Blerjeve të Përqëndruara realizon një tender të ri për blerjen e 36 copëve të tjera tek kompania “ALBANIA MOTOR COMPANY” SHPK e cila ka përfaqësinë e makinave FORD dhe është në pronësi të familjes Dulaku. Sipas të dhënave publike kjo kompani zotërohet në masën 75% nga kompania INER SHPK e cila nga ana e saj është në pronësi të Adrian Dulakut, Artan Dulakut dhe Genci Dulakut. Së dyti, kosto e blerjes së një ambulance shkon në rreth 64 milionë lekë të vjetra, një çmim shumë i lartë ky për një autoambulancë sipas burimit për JOQ Albania. Së treti, edhe vetë procedura e tenderit është e dyshimtë, pasi njëra nga kompanitë pjesëmarrëse, ka ofruar rreth 150 milionë të vjetra me TVSH më pak sesa kompania e Dulakëve. Sigurisht kjo kompani është skualifikuar për mungesë dokumentacioni.

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit