“Barcoleta me policë” Të gjithë i kemi dëgjuar të rrëfyera gojë më gojë bëmat e efektivëve të Policisë së Shtetit, të dala nga vetë radhët e tyre e më pas të përhapura tek ne, populli i thjeshtë. Ndonjëherë tingëllojnë aq gazmore dhe qesharake të rrëfyera, sa në situata apo momente të caktuara mendojmë se mbeten thjesht barcoleta, por jo gjithmonë... Vëmendje tek artikulli ynë, pasi ajo që do të rrëfejmë sot nuk është një barcoletë, por një histori e vërtetë që do ju shkrijë së qeshuri dhe në të njëjtën kohë do e keni më të thjeshtë të kuptoni nivelin e shefave shqiptarë të policisë.
Edhe sot në fokus kemi Artan Elezin, ose siç e njohim ndryshe famëkeqin Shef Tanin.
Rikujtojmë se ky shef policie u bë viral me gafën e parë që bëri kur në procesverbalin e firmosur nga vetë ai shkruante: “Pronari donte të hynte në pronën e tij”. Ai i vuri një gjobë 30 Milion Lekë pronarit të biznesit në Tiranë, pasi i bëri pritë duke e përgjuar në momentin që donte të hynte në biznesin e tij, vetëm e vetëm se pronari nuk pranoi t’i mbushte xhepin.
Me nam të dalë, jo vetëm në radhët e efektivëve, por të përhapur edhe në popull, atë, gjobëvënësin e bizneseve, për të cilin nuk reshtin historitë e bëmat pothuajse të pabesueshme, të rrëfyera nga qytetarët në inboxin e JOQ Albania, qytetarëve dhe vetë efektivëve për shefin e tyre të pangopur që arrin deri në nivele të ulëta...
Për Joq Albania, një vartës i tij në Komisariatin Nr.3 ka rrëfyer një histori tejet gazmore për shefin e tij, gjobëvënësin në tentativë.
Efektivi i Komisariatit nr.3 rrëfen se Shef Tani i kishte premtuar se do e dërgonte me pushime në Jug nëse do i bënte një dhuratë (1000 euro). Polici rrëfen se dhuratën ia bëri por Shef Tani, lakmitari i pangopur e materialist jo vetëm që nuk e çoi në Jug, por nuk ia ktheu as dhuratën mbrapsht kur ai ia kërkoi...
I zhgënjyer nga premtimet e shefit të tij, efektivi e ndau historinë me JOQ Albania, histori kjo që i bashkangjitet shumë të tjerave të mbërritura, që do të publikohen në ditët në vijim.
Gozhdohuni para ekranit të JOQ dhe vini para kokoshkat, rubrika e “Barcoletave me Policë” sapo nisi transmetimin!