“4-AM”, firma “maskë” e Bashkim Ulaj-t merr 6,2 milion euro nga Autoriteti Rrugor Shqiptar

Shkruar nga: M Gjini | Publikuar më: 29.08.2020, 22:14

Vetëm ditën e djeshme ju informuam për një tender me vlerë rreth 5,1 milionë euro të fituar nga bashkimi i operatorëve ekonomikë “GENER 2” në ponësi të Bashkim Ulaj dhe “4-AM” shpk në pronësi “me letra” të Ardit Metaliaj-t por që sipas dyshimeve të forta mendohet se edhe pas kësaj kompanie qëndron përsëri Bashkim Ulaj.

Me sa duket këto qenkan ditët fitimprurëse, pasi rezulton se firma “4-AM” sapo ka fituar e vetme një tender tjetër me vlerë akoma më të lartë se i djeshmi. Bëhet fjalë për tenderin me numër reference REF-59423-05-29-2020. Ky tender është organizuar nga Autoriteti Rrugor Shqiptar dhe ka për objekt ‘‘Ndertim Rruga Porto Romano Durres, Loti 3’’ me fondin limit 669.384.858,33 Lekë (pa përfshirë vlerën e TVSH-së).

Afati i kontratës është 12 muaj. Rezulton se në garë kanë marrë pjesë 6 kompani, nga të cilat është shpallur fituese kompania “4-AM” në pronësi të shtetasit Ardit Metaliaj. Kjo kompani e cila u shpall edhe fituese, ka ofruar vlerën prej 642.570.762 lekë pa TVSH ose rreth 6,2 milionë euro me gjithë TVSH. Nëse krahasojmë këtë vlerë të ofruar nga kompania fituese me fondin limit të tenderit, rezulton se është sa 95.99% e fondit limit.

Nga ana tjetër rezulton se njëra nga kompanitë pjesëmarrëse ka ofruar një vlerë shumë më të ulët, përkatësisht 456.106.620 lekë të reja pa TVSH. Me një llogaritje të thjeshtë shikohet se diferenca mes kësaj firme dhe fituesit është jo pak por 186,464,142 lekë të reja pa TVSH. Nëse i shtojmë edhe vlerën e TVSH-së, diferenca mes kësaj kompanie dhe fituesit “4-AM” është gati 1,8 milionë euro!

Pra në rastin më të mirë, kompania fituese do të “gllabërojë” në xhepat e saj pikërisht 1,8 milionë euro nga taksat tona. Sigurisht kompania që ofroi këtë vlerë më të ulët u skualifikua për mungesë dokumentacioni. Epo, i hëngshi gëzuar miliona eurot çuna!

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit