Armando Subashi, kryebashkiaku i Fierit, duket se ka lajthitur nga vapa. Së fundmi ai ka urdhëruar vartësit e tij të rrëmojnë në themelet e banesave të lagjes 15 Tetori. Punëtorët e Komunales kanë shkuar pranë banesave të kësaj lagjeje dhe kanë nisur të hapin gropa të mëdha për të vendosur kazanët e plehrave.
Duke mos e arsyetuar dot këtë veprimin absurd, banorët kanë kundërshtuar punimet e Bashkisë. Ata thonë se hapja e gropave pranë banesave të tyre rrezikon themelet e ndërtesave. Mbetet e pallogjikshme sesi është dhënë një urdhër i tillë nga zyra e Bashkisë së Fierit. Përfaqësuesit e kësaj të fundit nuk kanë ngurruar të përdorin edhe dhunë fizike e psikologjike ndaj grave e të moshuarve që protestonin.
Ish-deputeti Luan Baçi shkruan:
TURP, SHUMË TURP. JENI HAJDUTË, ARROGANTË, DHE TË DHUNSHËM. Kryetari i emëruar i Bashkisë Fier, dhe përfaqsuesit e tij, të Policisë Bashkiake, vazhdojnë të vjedhin dhe të mbushin xhepat, me taksat e qytetarëve fierak. Investimet e Subashit, jane gjithmon selektive sipas zonave dhe lagjeve, sidomos nuk behen ne ato zona, qe nuk dolen ne votimet e 30 Qershorit. Por jo vetëm kaq, si të papërgjegjshëm, arrogantë dhe të korruptuar që janë, edhe aty ku investojnë, përveçëse hedhin një.... dhe fusin pesë .....në xhep, konfliktohen me banorët, u bëjnë presion, i shtyjnë me duar dhe këmbë, zonja dhe të moshuar, që kërkojnë shpjegime dhe kundërshtojnë, ndërhyrjen dhe bërjen e gropave të kazanëve, të grumbullimit, të mbeturinave, afër themeleve të pallateve dhe poshtë dritareve të tyre.