“Mos rrini në diell”, ishte reagimi i MB dhe “Bëni testin tek privati e përkthejeni”, ai i MEPJ... “Perlat” nuk stisen vetëm nga radhët e Rilindjes por akoma më alarmant është niveli i mediave qeveritare që u servirin popullit informacion duke ia atribuuar përgjegjësinë palës tjetër, teksa nuk përmendet askund detyrimi i qeverisë shqiptare dhe reagimi i menjëhershëm që duhet të kishte marrë për situatën e krijuar prej disa ditësh në doganat e Kakavijës dhe Kapshticës.
“Radhët u shtuan se ekipi mjek i grekëve bëri një orë pushim”,-ishte një prej informacioneve të servirura.
Teksa u njoftua po ashtu se një polic kufitar tentoi të kalonte pa radhë një mjet dhe për pasojë u njoh me pezullimin nga detyra, ndërsa denoncime të pafundme kanë mbërritur në redaksinë e JOQ Albania për raste të tilla ku policia kalonte me rryshfet makinat me targa greke, të faktuara këto edhe me video.
