Muaji gusht ka shënuar shifra mjaft të larta të numrit të aksidenteve rrugore. Vetëm në dy javët e para në afro 73 aksidente, 15 persona kanë humbur jetën, ndërsa dhjetra të tjerë janë dëmtuar rëndë. Ky bilanc po shkon drejt rritjes pasi dyndja e qytetarëve drejt jugut po mbingarkon akset rrugore.
Si pasojë e shpejtësisë por edhe të përdorimit të telefonit dhe alkoolit, aksidentet po shtohen dita-ditës. Sipas ekspertëve rrugor, drejtuesit e mjeteve janë të papërgjegjshëm duke abuzuar në autostrada. Shtimi i numrit të akisdentëve duhet të jetë një reflektim edhe për Policinë Rrugore, e cila duhet të kujdeset për qarkullimin e duhur në akset me rrezikshmëri më të lartë.
Ndërkohë ministri Lleshi duhet të lërë mënjan raportet që hartojnë në zyra vartësit e tij por të garantojë sigurinë rrugore. Një mision që i adresohet edhe Ministrisë së Infrastrukturës për sigurimin e sinjalistikës së nevojshme dhe cilësisë së rrugës.
