Teksa Juventusi po kërkon të ulë sa më shumë pagën e futbollistëve për shkak të goditjes së rëndë financiare nga pandemia e koronavirusit, është njoftuar se Cristiano Ronaldo i është ofruar Barcelonës. Kjo, pasi klubi i Juventusit duket se nuk është në gjendje të përballojë dot shpenzimet për kontratën milionëshe të Ronaldos. Bëhet me dije se klubi bardhezi për këtë ka kontaktuar edhe me drejtuesit e Barcelonës. Sezonin e fundit Ronaldo ishte golashënuesi më i mirë i ekipit, me 35 gola.
Më parë emri i tij lakohej te PSG ndërsa tani po diskutohet për një kalim te Barcelona. I pabesueshëm duket në fakt një bashkim me Messin, ku si pasojë do të kishim plot 11 “Topa të Artë” te skuadra e Barcelonës.