Ka përfunduar në fazën çerekfinale ëndrra europiane e Atalantës.
Në ndeshjen e luajtur në stadiumin "Da Luz" të Benfikë, skuadra që ka mahnitur sportdashësit me paraqitjet dhe rezultatet spektakolare u dorëzua përballë PSG në minutat e fundit duke u mundur me rezultatin 1-2.
Në ndeshjen e vlefshme për çerekfinalet e Champions League, italinët kaluan të parët në avantazh me kroatin Mario Pasalic.
Pas shumë përpjekjeve kampionët e Francës arritën të përmbysin rezultatin vetëm në minutat shtesë të kohës së rregullt. Fillimisht ishte mbrojtësi brazilian Marquinhos që barazoi shifrat, dhe kur atëherë kur u mendua se do të duhej të luhej edhe koha shtesë për t'u njohur me gjysmëfinalisten e parë, Kylian Mbappe i aktivizuar në pjesën e dytë shërbeu për partnerin e sulmit Maxim Choupo-Moting, i cili fare pranë portës nuk e pati të vështirë ta dërgonte topin në rrjetë.
1-2 rezultati përfundimtar dhe PSG është ekipi i parë gjysmëfinalist. Francezët do të përballen në gjysmëfinale me fituesin e takimit Leipzig-Atletico Madrid që do të luhet ditën e nesërme.
Vlen të theksohet se kjo është hera e parë që 9 herë fituesit e Ligue 1, kualifikohen për në gjysmëfinalet e Champions League.