Janë luajtur sonte dy ndeshjet e para të çerekfinaleve të Europa League. Inter ka fituar 2-1 përballë Bayer Leverkusen, ndërkohë që Manchester United mposhti me rezultatin 1-0 Copenhagen, duke u bërë dy gjysmëfinalistet e para në pritje për t'u njohur me kundërshtarët.
Inter 2-1 Leverkusen
Zikaltrit e nisën në mënyrën më të mirë të mundshme duke gjetur avantazhin në minutën e 15′ me anë të mesfushorit Nicolo Barella. Gjashtë minuta më vonë ishte sulmuesi Romelu Lukaku që dyfishoi shifrat për nënkampionët e Italisë. Në minutën e 24′ Kai Havertz rihapi sfidën duke ngushtuar diferencën në 2-1, por përpjekjet e gjermanëve rezultuan të pasuksseshme dhe rezultati nuk ndryshoi, me ziklatrit që siguruan biletën për në gjysmëfinale. Inter do të përballet në gjysmëfinale me fituesin e takimit Basel-Shakhtar Donetsk.
Mancheter United 1-0 Copenhangen
Djajtë e Kuq vuajtën më shumë se sa mund ta kishin menduar përballë një kundërshtari modest si danezët e Copenhagen. Koha e rregullt përfundoi me rrjeta të paprekura. Në minutën e 95 të kohës shtesë, arbitri akordoi një 11-metërsh që u shndërrua në gol nga portugezi Bruno Fernandez, i cili me këtë gol ngjitet në krye të golashënuesve të Europa League me 7 gola. Në gjysmëfinale Manchester United do të përballet me fituesin e takimit Wolves-Sevilla, takim që do të zhvillohet nesër në orën 21:00.