Ardhja e Gatuzos në stolin e Napolit ka rezultuar një "bingo" për Elseid Hysajn, pasi shqiptari ka gjetur formën e tij më të mirë dhe është rikonfirmuar si një lojtar kyç në repartin e mbrojtjes, madje edhe duke shënuar edhe golin e parë në Seria A.
Megjithatë, e ardhmja e tij te Napoli vijon të jetë në dyshim. Nuk dihet ende nëse kapiteni i kombëtares shqiptare do rinovojë apo jo me të kaltërit, teksa ofertat nuk mungojnë.
Sipas portalit “Areanapoli.it”, mbrojtësi kuqezi është në radarët e Juventusit. Ish trajneri i tij tek Empoli dhe Napoli, Arrigo Sarri, e pëlqen shumë Hysaj dhe do të ishte mjaft i kënaqur për ta sjellë atë në Torino
Sipas thashethemeve të fundit midis Napolit dhe Juventusit mund të ketë një shkëmbim të bujshëm. “Zonja e Vjetër” do të marrë Hysaj në Torino, ndërsa Napoli pritet të rikthejë përsëri ish-bomberin e klubit, Gonzalo Higuain.
Për momentin janë vetëm fjalë dhe duhet të presim nëse në vazhdim do ketë diçka konkrete lidhur me këtë transferim...
